عوامی خدمت پر یقین رکھتے ہیں

 وزیر جنگلات پنجاب سردار محمدسبطین خان نے کہا ہے کہ میانوالی سمیت پنجاب کے 9 اضلاع میں وزیراعظم عمران خان کی جانب سے نیا پاکستان ہاؤسنگ پروگرام کے تحت کم آمدن کے حامل لوگوں کو رہا ئشی مکانات کی فراہمی کیلئے آن لائن سنگ بنیاد رکھنا درحقیقت بے گھر افراد کیلئے نو ید مسرت ہے۔انہوں نے کہا کہ پاکستان تحریک انصاف روٹی کپڑے اور مکان کے کھو کھلے نعرے لگا نے والوں کو آج عملی اقدام سے شرمندہ کر دیا ہے۔یہ اس امر کا غماز ہے کہ مو جو دہ وفاقی اورپنجاب حکو مت خا لی خو لی نعروں کی بجا ئے عملی عوامی خدمت پر یقین رکھتے ہیں۔ان خیالات کا اظہار انہوں نے اس حوالہ سے منعقدہ مختصر شا ندار اور با وقار تقریب کے موقع پر میڈیا سے گفتگو کر تے ہو ئے کہی۔قبل ازیں انہوں نے ڈپٹی کمشنر عمر شیرچٹھہ اور ڈی پی او مستنصر فیروز کے ہمرا ہ میانوالی میں وزیرا عظم کی جا نب سے لوانکم ہا ؤسنگ سکیم کے آن لائن سنگِ بنیاد رکھنے کی تختی کی نقاب کشائی کی۔اے ڈی سی آر میاں عثمان علی، اسسٹنٹ کمشنر فرحان مجتبیٰ ضلعی صدر پی ٹی آئی شاہد حمیدخان ایڈووکیٹ، سینئر نائب صدر سلیم گل خان، سیکرٹری گڈ گورننس زبیر ہا شمی، خاتون رہنما عمارہ نیازی، سٹی صدر ندیم بخان خیل، ملک محمد طارق رکھی، علی اکبر خان، اعجاز احمد اور دیگر مقامی عہدیداران بھی اس موقع پر مو جود تھے۔وزیر جنگلات سردار سبطین خان نے گفتگو کر تے ہو ئے کہا کہ پہلے مرحلہ میں تحصیل میانوالی میں کم آمدنی کے حامل جن کی آمدن30سے 50ہزارروپے ماہا نہ ہو گی 600مکا نات بنا کر دیئے جائیں گے۔انہوں نے کہا کہ عنقریب تحصیل پپلاں اور تحصیل عیسیٰ خیل میں بھی نیا پا کستان ہا ؤسنگ پروگرام کا با قاعدہ آغاز ہو گا۔ڈپٹی کمشنر عمر شیر چٹھہ نے کہا کہ پہلے مر حلہ میں تحصیل میانوالی میں بہترین رہا ئشی علاقہ کے درمیان 12ایکٹر رقبہ پر ساڑھے تین تین مر لہ کے 600مکا نات تعمیر کئے جا ئیں گے۔انہوں نے کہا کہ یہ آئیڈیل لو کیشن ہے جہاں بجلی، گیس اور ٹیلیفون کی سہو لت پہلے سے مو جو دہے۔ڈپٹی کمشنر نے بتا یا کہ تحصیل پپلاں اور عیسیٰ خیل میں بھی اس مقصد کیلئے اراضی کی نشاندہی کی جا چکی ہے اور جلد ہی وہاں پر بھی اس پروگرام کے تحت سنگ ِ بنیاد رکھنے کی تقاریب منعقد ہوں گی۔ڈی پی او مستنصر فیروز نے میڈیا سے گفتگو کر تے ہو ئے کہا کہ یہ غریبوں کیلئے خوش آئند سکیم ہے جس سے کم آمدن کے حامل لوگ بھی اپنے ذاتی گھر کے مالک بن سکیں گے۔