وزیر جنگلات پنجاب سردار محمد سبطین خان، ڈپٹی کمشنر خرم شہزاد اور ڈی پی او اسماعیل الرحمن کھاڑک کے ہمرا ہ وزیر اعظم پاکستان عمران خان کے جلسہ عام کے حوالہ سے جلسہ گا ہ کا تفصیلی دورہ

 میانوالی  سرگودہاڈویژن کے قائم مقام کمشنر محمد اصغر جوئیہ اور آر پی او محمد فیصل رانا کا میانوالی کا دورہ۔چیئر مین قائمہ کمیٹی بر ائے دفاع امجد علی خان، وزیر جنگلات پنجاب سردار محمد سبطین خان، ڈپٹی کمشنر خرم شہزاد اور ڈی پی او اسماعیل الرحمن کھاڑک کے ہمرا ہ وزیر اعظم پاکستان عمران خان کے جلسہ عام کے حوالہ سے جلسہ گا ہ کا تفصیلی دورہ کیا اورجلسہ کے انتظامات سیکورٹی و دیگر امور کا معائنہ کیا۔اس موقع پر ڈپٹی کمشنر نے بتا یا کہ وزیر اعظم پاکستان عمران خان گیارہ دسمبر بروز ہفتہ 10بجے دن جلسہ عام سے خطاب کر یں گے۔انہوں نے بتایا کہ جلسہ گاہ میں تما م ضروری انتظامات ڈی پی او اسماعیل کھاڑک کی معاونت سے مکمل کئے جا رہے ہیں۔ڈی پی او اسماعیل الرحمن کھاڑک نے اس موقع پر سیکورٹی انتظامات سے متعلق بریفنگ دیتے ہو ئے بتا یا کہ وزیر اعظم کے دورہ میانوالی کے حوالہ سے خصوصی سیکورٹی پلا ن تیار کیا گیا ہے اور اس پر عملدرآمد کو یقینی بنا نے کیلئے تما م اقدامات بر ؤئے کار لارہے ہیں۔اس موقع پر کمشنر سرگودہا ڈویژن اور آر پی او سرگودہا ڈویژن نے چیئر مین قائمہ کمیٹی بر ائے دفاع امجد علی خان اور وزیر جنگلات پنجاب سردار محمد سبطین خان سے جلسہ کے انعقاد کے حوالہ سے مختلف امور پر تبادلہ خیال کیا۔آر پی او سرگودہا نے ڈی پی او کو ہدایت کی کہ جلسہ کے وقت ٹریفک میں کسی قسم کا تعطل نہیں آنا چاہیے۔انہوں نے پارکنگ سے متعلقہ مور پر بھی خصوصی تو جہ دینے کی ہدایت کی۔