بین الصوبائی بارڈر چیک پوسٹوں پر سیکیورٹی انتظامات سے متعلق میٹنگ میں

 صوبائی وزیر جنگلات سردار محمد سبطین خان کی میانوالی آمد 

 بین الصوبائی بارڈر چیک پوسٹوں پر سیکیورٹی انتظامات سے متعلق میٹنگ میں شرکت

آئی جی خیبرپختونخوا معظم جاہ انصاری کا ضلع میانوالی کا دورہ،آئی جی پی خیبرپختونخواکو پولیس کے چاق و چوبند دستہ نے سلامی دی 

آر پی او سرگودھا ریجن محمد فیصل رانا،ڈی پی او میانوالی نے آئی جی پی خیبرپختونخواکا پرتپاک استقبال کیا۔

آئی جی خیبرپختونخوا معظم جاہ انصاری نے بین الصوبائی بارڈر چیک پوسٹوں پر سیکیورٹی انتظامات سے متعلق میٹنگ کی صدارت کی۔

بین الصوبائی چیک پوسٹوں پر چیکنگ کے مزید سخت اقدامات کے حوالے سے تجاویزکا تبادلہ خیال کیا گیا۔

میٹنگ میں ضلع میانوالی سے تعلق رکھنے والے پارلیمینٹیرین نے بھی شرکت کی۔

                                آر پی او سرگودھا ریجن ڈی آئی جی محمد فیصل رانا

 انسپکٹر جنرل آف پولیس خیبرپختونخوا معظم جاہ انصاری نے ضلع میانوالی کا دورہ کیا۔اس موقع پر آر پی او سرگودھا ریجن محمد فیصل رانا،ڈی پی او میانوالی اسماعیل الرحمن نے ان کا پر تپاک استقبال کیا۔پولیس کے چاق و چوبند دستہ نے سلامی دی۔آئی جی پی خیبرپختونخوا نے امن و امان کے حوالے سے ایک اعلی سطح اجلاس کی صدارت کی۔اس اجلاس میں آر پی او سرگودھا ریجن فیصل رانا،آر پی او بنوں اشفاق انور،ڈی پی او میانوالی اسماعیل الرحمن،ڈی پی او لکی مروت شہزادہ عمر عباس،ایس پی انوسٹی گیشن میانوالی قاضی علی رضا،صوبائی وزیر جنگلات پنجاب سبطین خان،ایم پی اے امین اللہ خان،ایم پی اے عبدالرحمن خان ببلی اور دیگر پولیس افسران بھی موجود تھے۔

 انسپکٹر جنرل آف پولیس خیبرپختونخوا معظم جاہ انصاری نے بین الصوبائی بارڈر چیک پوسٹوں پرنا جائز اسلحہ و منشیات کی سپلائی روکنے اور امن عامہ کے قیام کو برقرار رکھنے کے لیے اجلاس سے خطاب کرتے ہوئے کہا کہ پنجاب پولیس اور خیبر پختونخواہ کی پولیس پاکستان کی پولیس ہے۔پولیس کا بنیادی مقصد عوام کی جان،مال و عزت کی حفاظت کو یقینی بنانا اور شہریوں کو ہر سطح پر تحفظ فراہم کرنا ہے۔اجلاس میں بارڈر چیک پوسٹوں پر جوائنٹ چیکنگ،اشتہاری ملزمان کی گرفتاری،ناجائز اسلحہ و منشیات کی روک تھام کے حوالے سے مختلف تجاویز پر تبادلہ خیال کیا گیا۔آئی جی خیبرپختونخوا کو پنجاب اور خیبرپختونخوا کی بین الصوبائی بارڈ چیک پوسٹوں پر سیکیورٹی کے متعلق تفصیلی بریفنگ دی گئی۔اجلاس میں موجود پارلیمینٹیرین نے بھی امن عامہ کے قیام کے لیے ہر سطح پر اپنے تعاون کی یقین دہانی کروائی.